अतिक्रमण से परेशान

kasba karvi - atikramanजिला चित्रकूट, ब्लाक मऊ, कस्बा मऊ। हिंया 7 फरवरी 2013 का अतिक्रमण भा हवै। जउन दुकान, घर अउर होटल सड़क से लगे रहै तौ गिरा दीनगा हवै। या काम होय के समय एस.डी.एम. अउर मऊ थाना के दरोगा रहै। जेसीबी मशीन (घर गिरावैं वाली मशीन) से दुकान अउर जउन मड़इन के दीवाल परत रहै। उनका हटावा गा हवै अउर सड़क के चैड़ाई साठ फुट कीन गे हवै।
मऊ कस्बा के रामकृष्ण गुप्ता, गोविन्द केशरवानी लगभग पांच मड़इन का कहब हवै कि पहिले सड़क पचास फुट चैड़ी करै का कहा गा रहै, पै अब साठ फुट होइगे हवै अउर सरकार कइती से तीन दिन पहिले दुकान हटावै का कहा गा रहै या कारन घर गिरा दीन गे हवै तौ बहुतै परेशानी भे हवै। हम येत्ती मेहनत कइके घर बनवाये हन अउर अब गिरावत हवंै।
मऊ एस.डी.एम., सी.पी. उपाध्याय से बात कीन गे उनकर कहब हवै कि उंई सरकार के जमीन मा कब्जा करंे हवै अउर साधन निकरै मा परेशानी होत हवै। या कारन अतिक्रमण का सरकार कइती से आदेश आवा हवैं तौ कस्बा वालेन का तीन दिन पहिले बता दीन गा रहै, पै उंई दुकान नहीं हटाइन हवैं । या कारन अब मशीन लगवा के गिरावा जात हवै अउर मशीन का खर्चा भी मड़इन का लागी।