अज्ञात आदमियन ने करी मारपीट

हरनारायण
हरनारायण

जिला महोबा, ब्लाक कबरई, गांव इमिलिहा। एते के पप्पू उर्फ हरनारायण खा 25 अप्रैल 2014 खा कछू आदमियन ने पवा पेट्रोल पम्प के एते छेंक के मारो हे। ऊखो ड्राइवरी लाइसेंस ओर मोबाइल के साथे पन्द्रह हजार रूपइया नगद छुडा़ लये हें। जीखी डाक्टरी करा के श्रीनगर थाना में रिपोर्ट लिखाई हे।
हरनारायण के बाप बालादीन कुशवाहा ने बताओ कि मोओ लड़का सबुआ गांव से सरकारी सीमेंट खाली करके इमिलिहा आउत हतो। तभई ऊखे पछाऊं से एक टैªक्टर वाला आउत हतो। मोओ लड़का 15 हजार रूपइया किराया खे लाने घर से ले गओ हतो ऊने टैªक्टर वाले खां साइड नई दई तभई पवा पेटोªल पम्प के एते बे्रकर में हरनारायण ने गाड़ी धीमी करी तो पछाऊं से चार आदमी उतर के मारन लगे। ऊखे पन्द्रह हजार रूपइया लाइसेंस ओर मोबाइल छुड़ा के टैªक्टर चढ़ाये देत हते। हरनारायण के साथे दो ओरतें बेठी हती तो ऊने बताओ ओर हमें सूचना दई। तभई हम हरनारायण खा लेके जिला अस्पताल ले गओ हतो। हरनारायण के आंख ओर कमर में बोहतई चोटें आई हें। ईखी रिपोर्ट हमने श्रीनगर थाना में लिखाई हे, पे कोनऊ कारवाही नई भई आय।
श्रीनगर थाना के मुंशी राजाराम ने बताओ कि रूपइया निकारे की खबर झूठी हे। मारपीट भई हे। उखो मुकदमा धारा 323 (मारपीट) 504 (गाली गलौज) के तहत लिख गओ हे।